Mipui zangkhai zawkna tur ngaihtuahin Tribes, Annual Income leh Residential Certificate dilna hi Kolasib DC Office kalphung zuiin common application siam a ni a. A hnuaia link atanga download in, a tul ang ang te dahkhah hnuah SDO(C) Office, Vairengte ah submit theih a ni. Common application form hi SDO(C) Office, Bangla Veng, Vairengte ah Office hun chhungin lak theih reng a ni a, VC hrang hrang hnenah lak mai theih a ni bawk.
Tribes (Scheduled Tribe, Scheduled Caste, etc.,) certificate dil duhte chuan Common application form bakah VC leh YMA hriatpuina form duansa hmangin keng tel tur a ni bawk. Form chu download theih a ni.
Certificates hrang hrang diltute chuan common application form uluk taka chhiarin document thil tel ngai te kim taka thil tel tur a ni a. Diltu in a hming a sign ngei tur a ni bawk. Documents thil tel tur zinga Gazetted Officer attested ngai te chu attested remchanglo tan original document ken tel tur a ni.
